سياسة الخصوصية

آخر تحديث: 15 نوفمبر 2026

«بيتنا نور» تطبيق للأطفال، والحساب نفسه للأهل بس. مبدأنا: نجمع أقل حاجة ممكنة، ومفيش إعلانات، ومبنبيعش ولا بنأجّر أي بيانات لأي حد.

1. التطبيق من غير حساب

التطبيق على التلفزيون بيشتغل كامل من غير حساب ومن غير نت. بيانات الطفل، زي اسم الدلع والسن والشكل اللي اختاره وتقدمه، بتتحفظ على الشاشة نفسها بس. ولو مسحتوا بيانات التطبيق من «للكبار»، بتتمسح من الشاشة.

2. لما تربطوا الشاشة بحساب العيلة (اختياري)

البياناتليه
إيميل ولي الأمر (من حساب جوجل أو الإيميل اللي دخلتوا بيه)عشان تدخلوا حسابكم من أي موبايل
اسم الدلع للطفل، وولد ولا بنت، وسنة الميلاد، والشكل اللي اختارهعشان يظهر نفس البطل على كل شاشاتكم
تقدم الطفل (السور اللي سمعها وحفظها، والأنشطة، ووقت الشاشة)عشان التقدم ميضيعش، وعشان تتابعوه من الموبايل
معرّف للشاشة، ونوعها، وإصدار التطبيق، وآخر ظهورعشان تشوفوا الشاشات المربوطة وتقدروا تفكّوا ربط أي واحدة

مبنطلبش صور للطفل، ولا موقعه، ولا رقم تليفون، ولا أي بيانات تانية في المرحلة دي.

3. صوت نور باسم الطفل

عشان نور يقول «أهلًا يا سلمى» بدل «أهلًا يا بطلة»، اسم الدلع بيتبعت لخدمة صوت جوجل (Google Cloud Text-to-Speech) عشان تتعمل جمل صوتية ثابتة فيها الاسم. الملفات الصوتية دي بتتحفظ حسب الاسم بس، من غير أي ربط بالأسرة أو بالجهاز. يعني أي طفل اسمه «سلمى» بيسمع نفس الملفات. ولو مفيش نت، نور بيقول «يا بطل» أو «يا بطلة».

4. الخدمات اللي بنستخدمها

الخدمةدورها
Supabase (سيرفرات في أيرلندا، الاتحاد الأوروبي)حساب العيلة وحفظ التقدم
Cloudflareاستضافة الموقع وصفحة الأهل
Googleالدخول بحساب جوجل، وتوليد صوت نور

كل خدمة من دول بتستخدم البيانات عشان تقدّم دورها بس. ولو أضفنا خدمات جديدة، زي خدمات الذكاء الاصطناعي في الاشتراك، هنضيفها هنا الأول.

5. الإعلانات والتتبع

مفيش إعلانات في التطبيق، ومفيش معرّفات إعلانية، ومفيش تتبع للطفل لأغراض تسويقية.

6. حقوقكم

7. الأطفال

التطبيق معمول للأطفال من 3 لـ12 سنة، بس الطفل عمره ما بيعمل حساب ولا بيكتب إيميل. الأهل بس هما اللي بيدخلوا ويربطوا. والإعدادات وتأكيد الحفظ ورا رقم سري للكبار.

8. التغييرات

لو غيّرنا السياسة دي، هنحدّث التاريخ اللي فوق. ولو التغيير كبير، هنبلّغكم في صفحة الأهل قبل ما يبدأ.

9. التواصل

أي سؤال: privacy@baytnanour.com